Миллий хавфсизлик давлат қўмитаси (МХДҚ) Коррупцияга қарши курашиш хизмати алкоголь ишлаб чиқарувчи монопол компаниялар ва Давлат солиқ хизмати идораларида тинтув ўтказди. Миллий хавфсизлик давлат қўмитаси матбуот хизматининг хабар беришича, тинтувлар Бишкек, Чуй, Ўш, Жалолобод ва Боткен вилоятларидаги ароқ ишлаб чиқарадиган заводлар ва омборларда ўтказилган.
Натижада 100 миллион сомлик 460 минг дона ароқ маҳсулотлари мусодара қилинди. Шунингдек, МХДҚ хусусий уйларда лицензиясиз спиртли ичимликлар ишлаб чиқарган ва сотганларни текширди. Айни пайтда акциз маркаларининг ҳақиқийлиги текширилмоқда ва давлатга еэтказилган зарар ҳисоблаб чиқилмоқда.
Қирғизистондаги энг йирик алкоголли ичимликлар ишлаб чиқарадиган компания – бу «Аюу Холдинг».. Унинг асосчиси Шаршенбек Абдикеримов Қирғизистон партияси таркибида 7-чақириқда парламентга номзод бўлган.
4-октабрда бўлиб ўтган парламент сайловларидан сўнг норозилик намойишлари бошланиб, 6-октабрда ҳукумат қулади. «Мекенчил» партиясидан Қамчибек Ташиев Миллий хавфсизлик давлат қўмитаси раҳбари этиб тайинланган эди.
